गज़ल - मर्‍यो भनिदिनु

बिष्णुहरि भण्डारी

थानसिङ–८, नुवाकोट

मेरो बारे उनले सोधे मर्‍यो भनिदिनु ।

मर्ने बेला तिम्रो खोजी गर्‍यो भनिदिनु ॥

खुसी हुनु जीवनमा नरोई बस्नु अब,

धर्तीबाट अन्तै बसाई सर्‍यो भनिदिनु ॥

तिम्रो बाधा अड्चन सबै पन्छियो नि अब,

उनको लागि ठूलो खड्को टर्‍यो भनिदिनु ॥

बोझ अब हुन्न उनलाई एकछत्र राज,

उनको लागि ठूलै चिठ्ठा पर्‍यो भनिदिनु ॥

सम्झिएर आफन्तले बिष्णु खै त भन्लान् ,

उनकै यादमा कुहियर झर्‍यो भनिदिनु ॥

From : Virginia USA, 26 February 2014

नेपाल नुवाकोट घर भै अमेरिकाको भर्जिनियाको वुडब्रिजमा बसोबास गर्ने ३४ बर्षीय बिष्णुहरि भण्डारी २०७१ माघ १ गते आफ्नै डेरामा मृत भेटिएका थिए ।
॥ हार्दिक श्रद्धाञ्जली ॥